Честитка од градоначалникот Ногачески по повод Католички Божиќ

Градоначалникот на општина Дебрца, Зоран Ногачески, упати честитка до сите граѓани од католичка вероисповест по повод големиот христијански празник – Католички Божиќ.

„Почитувани сограѓани кои најрадосниот христијански празник, Христовото раѓање – Божик го празнувате според Грегоријанскиот календар,

Божик е празник чија симболика и универзални пораки-љубовта, простувањето и милосрдието не потсетуваат да ја обновиме и зајакнеме нашата вера, да ги подобриме меѓусебните односи и заеднички да работиме на создавање на услови за подобар и поквалитетен живот.

Нека празникот на Христовото раѓање биде водилка за сите Нас, на патот на меѓусебното почитување, толеранцијата, љубов и разбирање и да бидеме слободни во своите различности.

Со желби, радоста на Божик Ви донесе среќа и благосостојба во Вашите домови и ги огрее срцата на сите луѓе со добра волја, Ве поздравувам со радосниот поздрав:

Мир Божји – Христос се роди!“ –  стои во честитката од градоначалникот Ногачески.