Демократски сојуз: Потребен е силен синдикат

„Демократскиот сојуз се залага за силен синдикат кој што ќе ги штити правата на работниците и ќе биде партнер за преговори со работодавците и Владата.

Честитајки го 1-ви мај, Денот на работниците и солидарноста, ги повикуваме сите работници и нивните асоцијации да се здружат и да покажат солидарност и со конкретни активности да ги афирмираат и штитат рабтничките права, пред се поврзани со личниот дохот, условите за работа и заминување во пензија.

Само обединети и ослободени од партиските влијанија, работниците преку синдикалното дејствување, можат да влијаат при носењето на решенија кои се во функција на заштита на нивните права.

Во овој тежок период низ кој поминува светот, цената мора сите заедно и солидарно да ја понесеме.

Честит 1-ви Мај, Денот на работниците и солидарноста.“ – стои во дописот од Демократски сојуз.