19/03/2024
Спорт

ФФМ донираше фудбалски топки за зимски услови на екипите од 1 и 2 МФЛ

Фудбалската федерација на Македонија во изминатиот период им донираше фудбалска опрема и фудбалски топки на сениорските екипи во МФЛ, сите категории во младинските натпреварувања и екипите кои се натпреваруваат во шесте региони во државата во Детска лига на ФФМ.

За овој дел од натпреварувачката сезона, Фдубалската федерација на Македонија обезбеди специјализирани фудбалски топки за зимски услови кои ќе ги добијат сите клубови од Прва и Втора МФЛ.

Со новата донација продолжува големата акција на ФФМ за техничка поддршка на клубовите. Изминатиот период беше доделена опрема, реквизити и фудбалски ЈАКО топки на клубовите од МФЛ, потоа 121 клуб кои се натпреваруваат во Детска лига на ФФМ во сезоната 2018/2019, кои исто така добија опрема и потребни реквизити и топки, а претходно беа вклучени петнаесет клубови кои добија спортска опрема, реквизити, фудбалски топки од средствата добиени од Шампионската лига наменети за развој на младинскиот фудбал во клубовите.

Во наредниот период во донацијата која содржи опрема, реквизити и фудбалски топки повторно ќе бидат вклучени и тимовите од женската лига, кои веќе примија донација за своите екипи од младинските женски лиги.