28/03/2024
Охрид

Германска делегација во посета на Општина Охрид

Градоначалникот Јован Стојаноски, денеска имаше средба со делегација од градовите Тутлинген и Меринген од германската покраина Баденвитенберг, предводена од  Клингештајн  Хервиг градоначалник на Меринген.На средбата гостите најмногу се интересираа за заштитата на Охрид, како светско природно и културно наследство, на што градоначалникот Стојаноски објасни дека локалната и централната власт деновиве ги интензивираат активностите за решавање на забелешките на УНЕСКО, а паралелно се работи на стратегија за одржлив развој на целиот регион. Заеднички беше констатирано дека ваквите средби треба да се интензивираат бидејќи има отворени можности за поблиска соработка во   туризмот, културата и бизнис секторот.