28/03/2024
Дебрца

Градоначалникот Ногачески на одбележување на Светскиот ден на лицата со посебни потреби

Градоначалникот на општина Дебрца, Зоран Ногачески денес бев гостин на Здружението на лицата со инвалидитет за општините Охрид и Дебрца “Мобилност” и Сојузот за спорт и рекреација на инвалидите Охрид, а по повод одбележувањето на 3 Декември-Светскиот ден на лицата со посебни потреби.

„Во моето обраќање истакнав дека не само денес, туку секој ден треба да им го посветуваме на овие лица и да обезбедиме нивна целосна инклузија во општеството. Меѓу нив има личности со извонредни интелектуални, уметнички, креативни, спортски и други натпросечни способности и затоа на нив сосема заслужено им прилега името – лица со посебни способности.

Како општина и во изминатиот период и во иднина ќе преземаме повеќе мерки за подобрување на нивната општествена положба ( финансиска поддршка на програмските активности на нивните здруженија, олеснет пристап до јавните институции, поддршка за еднодневни излети и други активности на кои сме обврзани и со меѓународните документи и со националното законодавство).

Традиционално и оваа година Денот се одбележа со спортските игри, а мене ми припадна честа и особеното задоволство да ги поделам наградите на најдобрите учесници на игрите.“– вели Ногачески.