Индонезиски авион со 189 патници се урна во море и потона

Индонезиски авион со 189 патници се урна во морето и потона рано утрово откако полета од главниот град на Индонезија, Џакарта.

Авионот Lion air JT610, е речиси нов Боинг 737 MAX 8, а изгубил контакт со копнените службеници 13 минути по полетувањето и се урнал на околу 15 километри од брегот.

„Сеуште не знаеме дали има преживеани“, изјави шефот на агенцијата за пребарување и спасување, Мухмад Сјауги, на прес-конференцијата, додавајќи дека не е добиен никаков сигнал за вознемиреност од предавателот за итни случаи на воздухопловот. „Се надеваме, се молиме, но уште не можеме да потврдиме. Таму сме, нашите екипи се таму, хеликоптерот го надлетува самото место. Се обидуваме да нурнеме да ги пронајдеме остатоците од авионот“.

Повеќе предмети и делови од авионот биле пронајдени во водите околу 30 метри до 35 метри во близина каде што авионот изгубил контакт и паднал.

Станува збор за модерен авион, кој пренесува податоци за време на целиот лет. Моментално се разгледуваат добиените материјали од неговото полетување до неговото паѓање.

Авионот полета од Џакарта околу 06:20 часот и требаше да слета во Пангкал Пинганг, главниот град на рударскиот регион Банка-Белитунг, во 07:20 часот, според Flightradar24 чии податоци го покажуваат првиот знак дека нешто што се случило околу две минути во летот, кога авионот достигнал 610 метри. Потоа авионот се спуштал повеќе од 152 метри и се свртел лево пред повторно да се качи на 5.000 метри, каде што останал во текот на поголемиот дел од остатокот од летот. Подоцна, во последните моменти почнал да се стекнува со брзина која достигна 345 вртежи (397 mph) пред да се изгубат податоците кога беше на 1113 метри. Последната забележана позиција била околу 15 км (9 милји) северно од индонезискиот брег.

WebOhrid