28/03/2024
Македонија

Кривична за жител од кичевското село Србјани кој мачел животни

Поради постоење основи на сомнение за сторено казнено дело „мачење животни“, надворешната канцеларија за криминалистички работи Кичево, до надлежното Јавно обвинителство поднесе кривична пријава против А.А.(41) од кичевското село Србјани.

Тој, во периодот декември минатата до јануари оваа година, извршил злоупотреба на осум коњи негова сопственост со кои вршел дотур на огревни дрвја и ги изложувал на тегобна состојба, користел остар предмет со кој им предизвикал расекотини на главите и не презел мерки за санирање на предизвиканите повреди.