Министерот Адеми на отворањето на Фестивалот на стилизирани песни и ора „Кенге Јехо“во Струга

Министерот за култура Асаф Адеми синоќа присуствуваше и се обрати на отворањето на Фестивалот на стилизирани песни и ора „Кенге Јехо“ кој се одржува во Струга…

Станува збор за традиционална културна манифестација, која од 1991 година во континуитет го презентира фолклорното богатство на народната носија и вез од традицијата на сите етнички заедници што живеат на струшкото поднебје. Досега на сцената во Струга се претставиле повеќе од 20.000 уметници од многу земји од светот и тоа од Албанија, Косово, САД, Швајцарија, Турција, Црна Гора и др.

Годинава на ова 27-мо по ред издание, во Струга ќе се претстават ансамбли од Косово, Србија, Албанија, Македонија, Италија. Фестивалот завршува во недела, со настап на шест фолклорни друштва и доделување на награди за учесниците.