Нова фекална канализација кај економското училиште

Екипи на ЈП „Нискоградба“ работат на поставување на фекална канализација околу СОСУ „Св.Кирил и Методиј“. Се поставуваат цевки со дијаметар Ф 200 во должина од 85 метри и 5 шахти. Доколку дозволат временските услови  проектот се очекува да заврши за 10-ина дена.

Проектот се реализира со финансиска поддршка на Општина Охрид и е вреден 356 239 денари.

Екипи на ова  охридско претпријатие  деновиве вршат дислокација на канализациона мрежа на улица „Славеј Планина“. Се поставуваат  цевки со дијаметар Ф 160 во должина од 10 метри. И оваа активност е поддржана од локалната самоуправа со вредност од 67.000 денари и се очекува да заврши за една недела.