„Охрид трчаТ“ беше дел од јубилејниот петти полумаратон кој се одржа во Бања Лука

Најголемата и најбогатата спортска манифестација во нашиот град „Охрид трчаТ“ беше дел од јубилејниот петти полумаратон кој се одржа во Бања Лука, Босна и Херцеговина. Настанот број еден во Охрид имаше успешна презентација и промоција пред учесниците на експото и самата трка која се одржа по улиците на градот.

„Со организаторите на полумаратонот во Бања Лука разменавме искуства и мислења, што ќе биде добре дојдено за третото издание на Охрид трчаТ и за понатаму. Гости на полумаратонот имаше од сите трки од регионов и задоволство беше да се присустува и разговара со нив.“ – изјавија претставниците од Охрид трчаТ.

Презентацијата на полумаратонот во Бања Лука беше трета за краток временски период на Охрид трчаТ. Атлетската манифестација од Охрид активно беше дел од полумаратоните во Мостар и Дубровник.

Охрид трчаТ ќе се одржи на 31 мај, 1 и 2 јуни.

This slideshow requires JavaScript.