Поставени нови канти за отпад во селата низ Средна Дебрца

Деновиве по селата во Средна Дебрца беа распределени канти за собирање отпад кои општината ги обезбеди преку грант во рамките на Проектот „Унапредување на општинското владеење“, финансиран од Европската Унија, спроведуван од страна на Програмата за развој на Обединетите нации (УНДП). Канти беа распределени и во селата од Горна Дебрца (Врбјани, Годивје, Лактиње, Арбиново).

Врз основа на утврден план од Јавното претпријатие „Дебрца“ истите се поставени на јавни површини, со што и во овие села започнува организирано собирање на комуналниот отпад.

И во наредниот период се продолжува со чистење на дивите депонии, а од жителите се очекува нивната поддршка и придонес за зачувување на здрава и чиста животна средина.