Пратениците Љубен Арнаудов и Сашо Василевски исклучени од членови на ВМРО-ДПМНЕ

Денес во просториите на ВМРО-ДПМНЕ ОК Охрид се одржа прес конференција, на која говореше претседателот на ВМРО-ДПМНЕ ОК Охрид, Сашо Донев. Тој потврди дека пратениците Љубен Арнаудов и Сашо Василевски се исклучени од партијата поради спротивно постапување на донесените одлуки на највисоките органи на ВМРО-ДПМНЕ.

„Македонскиот народ мора да остане посплотен во овие тешки моменти.

Мора да се биде горд бидејќи народот не ја изневери државата. Заканите и уцените не ги издржаа сите.

Вистинските народни избраници кои ја почитуваа волјата на нардот беа против разнебитувањето на државата, но имаше и луѓе кои потклекнаа и се бореа заедно со Зоран Заев и владејачкото мнозинство за да се уништи сe’ она што е македонско.

Ставот на ВМРО-ДПМНЕ е јасен дека партијата е против Договорот со Грција и против промена на Уставот со цел промена на уставното име.

Според тоа на вонредна седница на ОК на ВМРО-ДПМНЕ по предлог на ИК на партијата донесе одлука за поведување дисциплинска постапка против членовите Љубен Арнаудов и Сашо Василески заради спротивно постапување на донесените одлуки на највисоките органи на партијата.

Нанесена е огромна штета на ВМРО-ДПМНЕ како партија, како и огромна штета на товар на Република Македонија и македонскиот народ. Гласањето за промена на уставните измени значи дека пратениците Љубен Арнаудов и Сашо Василески се исклучуваат од членови на ВМРО-ДПМНЕ.

Остануваме на нозе и продолжуваме напред. Вистинскиот Македонец, никогаш не се откажува. Секој си го носи својот крст. Срамот и товарот ќе падне на ненародната власт предводена од Зоран Заев и неговите поддржувачи.“ – истакна Донев.