29/03/2024
Охрид

Промовирана „Созвездие низ магичниот круг“ од Ило Кафеџиоски – Кафе

Вчера во Прличевата одаја на НУ Библиотека „Григор Прличев“ во Охрид беше промовирана третата стихозбирка од авторот Ило Кафеџиоски – Кафе „Созвездие низ магичниот круг“.

kafe

Промоторите Ванѓелко Лозановски и Љубица Чифлигароска , секој одделно на присутните на промоцијата им ги пренесоа нивните лични импресии од песните срочени од Кафеџиоски – Кафе.

kafe 3

-Најновата стихозбирка е пообемна и самиот наслов „Ѕвезди од магичниот круг“ зборува дека поетот е секогаш во центарот на животот од тој голем магичен круг. Неговите песни извираат од тековите на животот и за животот. Сите до една се „исплетени“ со избрани стилски фигури и емоции, чувства со идеали и визии со стил близок за сите генерации, рече Лозановски.

kafe 4

Според Чифлигароска, Кафеџиоски со оваа најнова збирка поезија извршил потполна идентификација на неговиот живот со неговата поезија.

kafe 2

Шеесетината песни се само логично продолжение на она што Кафеџиоски го создал и оставил како залог во неговите претходни стихозбирки.

kafe novo

Тој е автор на стихозбирките: „Во кругот“ и „По кругот“ и успешно ја гради својата поетска оригинална оаза во македонската современа поезија.

Во средината на осумдесеттите Кафеџиоски бил иницијатор за формирање на литературниот клуб „Сердарот“ и бил негов прв претседател.