Пронајдена дрога во возило на патот Струга – Радожда

На 16.07.2019 во 21.20 часот на регионалниот пат Струга-с.Радожда, полициски службеници запреле патничкo возило „Фиат“ со струшки регистарски ознаки, управувано од Д.Б.(21) од с.Велешта, струшко, во кое како сопатник бил А.О.(19) од с.Биџево, струшко.

При преглед на А.О., во неговиот ранец, биле пронајдени и одземени кеси со марихуана и кеса со прашкаста материја. А.О. е приведен и по документирање на случајот против него ќе биде поднесена соодветна пријава.