29/03/2024
Охрид

Релизирана акцијата за бесплатни прегледи на крвен притисок и ЕКГ во Кардиолошкиот завод во Охрид

Во Кардиолошкиот Завод во Охрид денес се реализира акцијата за бесплатни прегледи на крвен притисок и ЕКГ прегледи, кои оваа реномирана здравствена установа ги прави како дел од активностите предвидени во рамки на „Недела на борба против хипертензијата“ која се одбележува и во Охрид.

„Една од нашите цели е подигнување на свеста за превенцијата и објаснување на граѓаните колку е важна превенцијата на високиот крвен притисок,како да ги избегнуваат ризик факторите,  што е исклучително важно за да се заштити здравјето и да се превенира овој голем ризик фактор во кардиоваскуларните заболувања – изјави Д-р Слаѓана Тупаре – Субспецијалист кардиолог.

Тимови на Кардиолошкиот Завод утре ќе вршат мерења на притисок кај вработени во општина Охрид, а во петок тоа ќе се прави во СВР Охрид и Пожарната.