28/03/2024
Охрид

Реконструкција на кружната крстосница кај Општата болница

По претходно изготвен проект, денес, на кружната крстосница кај Општата болница, започнаа градежни активности за целосна реконструкција. На почетокот на активностите за реконструкција, беше и в.д. градоначалникот Константин Георгиески.

Поради лошата состојба во која се наоѓа кружната крстосница, подолг период претставуваше критична точка по безбедноста на сите учесници во сообраќајот.

Со проектот предвидено е поставување на нов асфалт на самата крстосница, како и до 30 метри на улиците кои се сечат со крстосницата. Понатака предвидено е реконструкција на одморалиштата и комплетно ново хоризонтално и вертикално обележување.

Вкупната вредност на реконструкцијата изнесува повеќе од 2 500 000 денари, а зафатите ги изведуваат АД „Илинден“ и „Виадукт трејт“.