28/03/2024
Македонија

Средба на министерот на МВР со амбасадорот на Руската Федерација

Денеска министерот за внатрешни работи Оливер Спасовски оствари работна средба со новоименуваниот амбасадор на Руската Федерација во Република Македонија Н.Е. Сергеј Баздникин.

Министерот Спасовски му посака добредојде на амбасадорот Баздникин и успех во извршувањето на својата одговорна работа за унапредување на односите меѓу двете земји.

Соговорниците разговараа за продлабочување на досегашната меѓусебна соработка, особено во областите на миграцијата, организираниот криминал, тероризмот, како и борбата против екстремизмот и насилниот радикализам.