29/03/2024
Македонија

Влада: Продолжува да расте просечната месечна нето плата

Продолжува растот на просечната плата, во ноември 2021 година таа изнесувала 29.130 денари. Согласно податоците на Државниот завод за статистика, тоа значи зголемување на просечната месечна исплатена нето-плата по вработен од 5,6% во однос на истиот месец 2020 година, односно за 1.542 денари.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Стручни, научни и технички дејности (14,4%), Објекти за сместување и сервисни дејности со храна (11,5%) и Информации и комуникации (11,3%).

Идната недела започнува социјалниот дијалог за зголемување и на минималната плата во државата, заедно со синдикатите и компаниите. Дополнително се прават анализи и за зголемување на пензиите огласно расположливите буџетски средства.

Владата е посветена на покачување на платите сѐ со цел подобрување на стандардот на граѓаните и економијата во земјата. Минималната, просечната плата и пензиите ќе продолжат забрзано да растат.