14 лица загинаа во пожарот во ковид центарот во Тетово

Министерството за здравство информира дека во вчерашната несреќа при пожар во КОВИД центарот во Тетово загинаа вкупно 14 лица. Во КОВИД центарот за време на пожарот имало вкупно 26 пациенти, останатите 12 се на лекување во тетовската болница и се надвор од животна опасност. Нема настрадани здравствени лица, неколкумина се со полесни повреди.

Министерството за здравство изразува сочувство до семесјтвата на загинатите и длабоко жалење за страотната несреќа.