Делегација на градот Гиватауим од Израел на средба со охридскиот градоначалник

Делегација на градот Гиватауим од Израел, предводена од заменик градоначалникот Тали Аргаман, оствари средба со градоначалникот Константин Георгиески. Средбата доаѓа како резултат на веќе воспоставената добра соработка помеѓу Охрид и државата Израел. Во фокус на средбата беше продлабочување на соработката помеѓу двата града, во повеќе области, која понатака би се официјализирала со збратимување на Охрид и Гиватауим.

Градот Гиватауим се наоѓа источно од Тел Авив, а неговото име значи два рида. Популацијата во градот е околу 59 илјади жители. Во рамки на градот Гиватауим , функционираат едни од најдобрите универзитети во Израел и воедно е град со највисока стапка на ученици коишто своето образование го продолжуваат на факултетите.