Доделени наградите на учесниците на шестиот Интернационален Бреинобреин натпревар

На пригодна свеченост, почитувајќи ги мерките за заштита од Ковид-19, во просториите на Црвен крст Охрид беа доделени наградите на децата од Бреинобреин Центарот за развивање животни вештини БОБ-Црвен крст Охрид кои учествуваа на шестиот Интернационален Бреинобреин натпревар кој се одржа на 9 јануари 2021 година. На онлајн натпреварот во огромна конкуренција од 25 000 деца-натпреварувачи од 45 земји во светот сите 52 учесници кои го претставуваа нашиот центар освоија награди и тоа: 14 деца освоија трофеи, 22 деца златен медал и 16 деца сребрен медал.

„Со гордост истакнуваме дека и овој пат, интернационално мерливите резултати покажаа и потврдија дека нашите бреинобреин генијалци се меѓу најдобрите во светот. А успехот се должи на нивната посветеност, вложенио труд и упорноста, на несебичната и професионална посветеност на тренерите и на поддршката на родителите.“ – информираат од Бреинобреин Центарот за развивање животни вештини БОБ – Црвен крст Охрид.

This slideshow requires JavaScript.