Донев: Поддржете нè, само заедно со вас ќе се избориме за нашиот град!

ВМРО-ДПМНЕ ОК Охрид денес одржа прес-конференција на која говореше носителот на листата за членови на Советот на општина Охрид, Сашо Донев.

„Ги повикувам сограѓаните да нè поддржат, да ни бидат ветар во грб, да издржиме и успееме заедно.

Во оваа борба за Охрид, наш сојузник сте вие.

Ви ветуваме нема да има договори и преговори, нема да има непринципиелни коалиции.

На сите ни е доста од неправди затоа заедно да го спасиме Охрид од неспособноста, деструкцијата, криминалот и корупцијата.

Да им покажеме дека сме побројни од нив.

Ветуваме дека ќе бидеме погласни, и посилни и поработливи.

Време е Охрид да биде на сите нас.

Поддржете нè, само заедно со вас ќе се избориме за нашиот град!“ – истакна Донев.