Генералниот секретар на СДСМ, Николовски со честитка за Курбан Бајрам

По повод муслиманскиот празник Курбан Бајрам, генералниот секретар на СДСМ, Љупчо Николовски, во име на партијата и во свое лично име, упати честитка до исламските верници, до Исламската верска заедница, господин Реис Ул Улема, Хаџи Сулејман Ефенди Реџепи, и до членовите на Ријасетот на ИВЗ.

„Го честитам празникот на сите граѓани, припадници на Исламот. Ви посакувам добро здравје, мир и спокој во вашите семејства. Трагите на добрината, солидарноста и помагањето се трајни придобивки кои не потсетуваат на вредностите коишто овој празник ги возвишува.

Празникот Курбан Бајрам порачува помагањето и солидарноста со пријателите, со соседите, со сите коишто се околу нас да ги негуваме, да ја шириме добрината. Да продолжиме заеднички во тој дух, да го зајакнуваме нашето општество со еднакви шанси за сите. Честит Курбан Бајрам!“ стои во честитката на генералниот секретар Николовски.