Градоначалникот Ногачески со честитка за Богојавление – Водици

По повод големиот христијански празник Богојавление-Водици, честитка до граѓаните упати градоначалникот на Општина Дебрца, Зоран Ногачески.

„Денес е Богојавление – Водици, празникот кој потсетува на денот кога Исус Христос се крштеваше во светите води на реката Јордан.

Благородната порака на овој празник е дека сè може одново да се измие, очисти, обнови и повторно да се роди и дека надежта и жедта за доброто, совршеното и убавото никогаш не згаснува.

Токму затоа, прославувајќи го овој голем празник, да се помолиме на Бога да ги освети нашите реки и езера, да ги благослови нашите граѓани и нашата држава, дарувајќи ни здравје, среќа и благодет.

Бог се јави ! За многу години !“– стои во честитката.