Исчезнато лице од село Градешница

На ден 23.01.2022 година во 15:40 часот од ЦУК Битола добиена е информација дека во с.Градешница е исчезнато лице со иницијали Т.Д. (77 години) кој од трлото со овци се упатил кон домот во селото Градешница при што му се губи трагата. Во текот на денот семејството и соселаните го пребарувале теренот и по безуспешната потрага пријавено е во полициска станица во Општина Новаци и потоа во ЦУК Битола.

Веднаш по добивањето на дојавата од ЦУК до Дирекцијата за заштита и спасување е мобилизиран тимот за брз одговор за спасување на планини и се упати кон с.Градешница каде по пристигнувањето започна со пребарување на теренот. Пребарувањето и покрај ноќното време траеше до утринските часови, поради влошување на времето и снежната виулица потрагата е прекината и тимот се повлече. Лицето не беше пронајдено, а потрагата продолжува.

WebOhrid / 24.01.2022 / Дирекција за заштита и спасување