Изложба и видео на професорка од САД за Ѓурѓовден, во Музеј на Македонија
Од синоќа во Музејот на Македонија е поставена мултимедијалната изложба под наслов ,“50 години истражување 1967 – 2017, Ѓурѓовден / Ерделзи кај Ромите“…
Јазикот , културното наследство, традицијата и обичаите се важни културни белези кои ја обединуваат ромската заедница во Македонија и придонесуваат кон издвојување на посебноста на Ромите како народ.
Професорката Елси Иванчиќ Дунин од Соединетите американски држави (САД), веќе половина век го следи континуитетот и промените на празникот кај Ромите од Скопје, Ѓурѓовден/ Ерделези.
Преку фотографии, видеоматеријали за музиката, танцот и носиите стари повеќе од 50 години, авторката, ја враќа публиката низ времето на Стара Топаана (Mahala), и некогашниот изглед на Шуто Оризари.
