ЈУНП „Галичица“ беше домаќин на тридневна хибридна работилница во рамките на проектот StrategyMedFor

Во периодот од 30 септември до 2 октомври 2025 година, Јавната установа Национален парк Галичица беше домаќин на тридневна хибридна работилница во рамките на проектот StrategyMedFor – Стратегија за одржливо управување со медитеранските шуми, кофинансиран преку програмата Interreg Euro-Med.

Работилницата, организирана во соработка со Istituto Oikos и проектните партнери, имаше за цел да ги зајакне капацитетите на засегнатите страни и шумските менаџери за примена на одржливи практики во управување со шумите, прилагодени на медитеранскиот контекст.

Преку предавања, интерактивни сесии и теренска посета на шумата со фоја (Juniperus excelsa), учесниците работеа на:

• Примената на Критериумите и дополнителните индикатори (C&SI) за оценка на состојбата на шумите,
• Методологијата за картографирање на шуми со висока еколошка вредност (HEV),
• Користење на Индексот на потенцијал за биолошка разновидност (IBP) на терен,
• Развивање на Трансграничен акционен план за заштита и обновување на шумите во регионот Преспа–Охрид.

Работилницата претставуваше значаен чекор во развојот на регионален пристап кон зачувување на шумите со висока природна и конзервациска вредност.

#StrategyMedFor #Prespa #Galičica #IBP #Forests #Biodiversity #Resilience #Mediterranean