28/03/2024
Охрид

Кривична пријава за охриѓанец поради незаконит риболов со мрежа

Поради постоење основи на сомнение за сторено казнено дело „незаконит риболов“, СВР Охрид поднесе кривична пријава против Н.Б.(49) од Охрид.

На први јули оваа година, при реализирани акциски мерки за лица кои вршат незаконит риболов, пријавениот, во близина на еден хотел на Охридското крајбрежје е забележан како од водите на Охридско Езеро вади рибарска мрежа. По извршена контрола на пловниот објект, полициските службеници забележаа рибарска мрежа во должина од 20 метри со улов на околу 3 килограми разновидна риба. Пронајдените предмети, по претходно известување до Јавен обвинител се одземени.