28/03/2024
Македонија

Министерот Дураки се сретна со британската амбасадорка Галовеј

Денеска, министерот за животна средина и просторно планирање Садула Дураки оствари работна средба со амбасадорот на Велика Британија во Република Македонија, Н.Е. Рејчел Галовеј.

На средбата беа разменети информации за досегашната добра соработка помеѓу Р. Македонија и Велика Британија во областа на заштитата на животната средина. Исто така, се дискутираше за резултатите од досега реализираните проекти и програми помеѓу двете држави и беа утврдени конкретните области каде постои можност за продлабочување на идната соработка.