Охрид Ултра-Треил® – 100 километарска трка во планинско трчање на Галичица

Следната година од 22 до 24 мај, охридско-преспанскиот регион ќе биде домаќин на новото издание на трката Ohrid Ultra-Trail®, настан кој со една од своите трки оди во доменот на ултра-треил трчањето.

Настанот „Охрид Ултра-Треил® 2020” ќе биде составен од три трки во планинско трчање кои во текот на целиот викенд ќе се одвиваат на планината и националниот парк Галичица. За прв пат во овој регион една од трките која ќе се организира ќе има должина од 100 километри со старт и финиш во Охрид.

Останатите две дистанци се минатогодишната 62-километри долга трка со старт од Св. Наум која минува низ целиот гребен на Галичица и финишира во Охрид, а организаторите припремија и пократка трка од 18 километри за љубителите на побрзи трки и соодветна за оние кои се запознаваат со планинското трчање.

Минатата година „Охрид Треил” го имаше своето премиерно издание со две трки од 60 и 35 километри на кои учествуваа 140 учесници. Овие настани претставуваат нова гранка во авантуристичкиот туризам нудејќи колективна тура низ планински терен со посебен акцент на компететивност, колегијалност, другарување, запознавање, мулти-културализам и чувство за себенадминување.

Тимот на „Охрид Ултра-Треил®” цели кон креирање на висококвалитетен спортско-рекреативен настан со светско реноме во овој регион, со привлекување на што повеќе наши тркачи кон спортот, но и висока бројка на меѓународно учество.

Засега, „Охрид Ултра-Треил®” ќе биде единствена трка со должина од над 100 километри во календарот нашата држава.

Пријавите ќе бидат отворени во првата половина од декември на официјалната веб-страна www.ohridtrail.mk

Видео 2019 – https://youtu.be/XFBu5oIIWNc

Фотографија 2019 – https://drive.google.com/drive/folders/15QmGvVhnbvzi03wYH1-DsHVBNmVp2ONi?usp=sharing

ФБ настан – https://www.facebook.com/events/508522386623229/