Основци од ОУ „Дебрца“ го реализираа проектот „Различни, а сепак исти“

Учениците од I до V одделение од ОУ „Дебрца“ денес го реализираа проектот „Различни, а сепак исти“.

Целта на проектот е кај учениците уште од најмала возраст да се развиваат вредностите за заедничко живеење, почитување на основните човекови права и слободи и расното и религиозното потекло на луѓето.

Во рамките на проектот денес учениците ги посетија „Шарената џамија“, во Тетово и црквата „Св.Спас“ и гробот на Гоце Делчев, во Скопје.

Општината Дебрца го помогна проектот со тоа што го обезбеди превозот за 112 ученици и нивните наставници.