ОУ „Григор Прличев“ – Охрид се вклучи во кампањата по повод Денот на гладта

По повод Денот на гладта, 16 октомври и Недела на борба против гладта (16-22 октомври), основното училиште „Григор Прличев“ од Охрид заедно со учениците од подрачното училиште во Населба Рача се вклучи во кампањата на Црвен крст Охрид.

„Веќе традиционално нашите ученици и вработени ја поддржуваат кампањата за помош на најсиромашните наши сограѓани. Учениците покрај тоа што донираа прехрамбени производи кои не се лесно расипливи, донираа и средства за хигиена. Кога станува збор за оваа Недела, иако исхраната е една од основните човекови потреби сепак недостигот од неа се уште е проблем. Голема е симболиката на дарувањето, а учениците на овој начин се поттикнуваат на хуманост и градење на вистински човечки вредности.“ – информираат од училиштето.

This slideshow requires JavaScript.