Подобар бетон со лушпи од семки од сончоглед

Научниците од турскиот Универзитет Намик Кемал, открија како со користење на лушпите од семките од сончоглед можат да ги подобрат перформансите на бетонот, намалувајќи ја неговата густина и зголемувајќи ја отпорноста на распукување при ладни услови.

Со оглед на тоа дека лушпите од семките од сончоглед се најголем отпаден материјал во прехранбената индустрија, научниците бараат примена за овој нуспроизвод, кој е особено значаен во отсуство на други конвенционални материјали.

Турција е деветти светски производител на семки од сончоглед, со околу милион тони семки годишно, а нуспроизвод од околу 300 илјади тони лушпи.