Пораз од Белорусија за крај на СП

Сениорската репрезентација со пораз го заврши учеството на Мундијалот во Египет, денес во Каиро сениорите се поразени од репрезентацијата на Белорусија со резултат 30:26.

Натпреварот со прв погодок го отвори селекцијата на Белорусија, поведе 1-0, за потоа како одминуваше времето од првото полувреме нашата репрезентација ја преземаше контролата врз играта и имаше водство кое не беше поголемо од два гола разлика. На крај полувремето заврши нерешено 14-14.

Во второто полувреме репрезентацијата на Белорусија ја превзема контролата на натпреварот и цврста и стабилна игра во одбраната и во нападот имаше и четири погодоци предност. Нашата репрезентација одигра борбено до крај на натпреварот но не успеаа да направат пресврт, на крај славеше Белорусија со резултат 30:26.

Најефикасните во македонската репрезентација на овој натпревар беа Кирил Лазаров со седум погодоци а по четири постигнаа Филип Кузмановски и Жарко Пешевски, додека за репрезентацијата на Белорусија најефикасен ракометар беше Кулеш со седум погодоци.