Повик за учество на партиципативен настан

Општина Охрид, преку свои претставници од Секторот за урбанизам, е учесник на Тренинг    програмата Овозможување локална демократија и холистички урбан развој преку  SymbioCity пристап, заедно со претставници од други седум градови од Србија, Украина и Турција.

Охридскиот тим, како урбанистички предизвик во рамки на програмата, ќе го работи проектот ,,Нови хоризонти преку унапредена пешачка зона“, кој всушност се однесува на адаптирање на улица ,,Македонија“ во пешачка зона. Проектот ќе се работи на ниво на физибилити студија.

Тренинг програмата ќе се реализира во рок од 18 месеци, во кој период се планирани пет работилници и четири средни фази.

Со цел успешно извршување на постапките и чекорите при изработка на проектот, во оваа прва средна фаза, дел од обврските претставува и организирање партиципативен настан со учество на сите засегнати чинители за испитување на  јавното мислење околу проектот. Резултатите од настанот ќе бидат анализирани и искористени во понатамошните фази на работа на проектот.

Настанот ќе се одржи во понеделник, 23 април, во големата сала во општината, со почеток во 12 ч.

Програмата е во организација на ICLD (Интернационалниот центар за Локална демократија)  и SKL International (дел од шведската асоцијација на локални управи и региони), од Шведска.