29/03/2024
Охрид

Повлечени од дневен ред сите точки кои се поврзани со легализирање на бесправно изградени објекти

Точките кои се поврзани со легализирање на бесправно изградени објекти се повлечени од Дневниот ред на утрешната 26-та седница на Советот на општина Охрид.

„Овој состав на Советот на општина Охрид досега има донесено 276 одлуки за легализирање на бесправно изградени објекти и сите, во интерес на граѓаните се донесени едногласно.

Редовните и тековните обврски на општината не смеат да бидат злоупотребувани за политички поткусурувања и евтина политичка пропаганда.

Со цел да се продолжи со транспарентност и отчетност во работењето, за утрешната седница на Советот на општина Охрид, се повлекуваат сите точки на дневниот ред поврзани со легализирање на бесправно изградени објекти.“ – стои во соопштението од Одделението за односи со јавност при Општина Охрид.