28/03/2024
Дебрца

Предлог-Буџетот на Општина Дебрца за 2018 година јавно достапен за граѓаните

Предлог-Буџетот на Општина Дебрца за 2018 година јавно им е достапен на граѓаните, кои можат да извршат увид, но и да дадат свои мислења, предлози и сугестии.

„Почитувани граѓани на Дебрца, пред Вас е Предлог-Буџетот на општина Дебрца за 2018 година.

За првпат од постоењето на општината, Буџетот на општината пред неговото донесување од советот на општината го ставаме на увид на јавноста. Тоа го ветивме, а зборот е збор.

Целта ни е општинскиот буџет да биде подостапен и транспарентен за граѓаните. Сметаме дека граѓаните мора да имаат увид како се трошат нивните пари.

Истовремено, нашата намера е преку зголемување на информираноста на јавноста да влијаеме на посилно вклучување на граѓаните во креирањето на општинските програми и политики.

Буџетот е од граѓаните и за граѓаните и затоа секој треба да има пристап и увид во него. Ве охрабруваме и ги очекуваме Вашите мислења, предлози и сугестии по предлог-Буџетот на општината.“ – се вели во соопштението од Градоначалникот на општина Дебрца, Зоран Ногачески.