Претседателот Пендаровски во официјална посета на Република Австрија

Претседателот на Република Северна Македонија, Стево Пендаровски, на 11 октомври 2019 година, петок, ќе престојува во официјална посета на Република Австрија.

Претседателот Пендаровски, со највисоки државни и воени почести, ќе биде примен од Сојузниот претседател Александер Ван дер Белен, а ќе оствари билатерални средби со сојузната канцеларка, Бригит Биерлејн и со претседателот на австрискиот парламент, Волфганг Соботка.

За време на официјалната посета на Република Австрија, претседателот Пендаровски ќе одржи предавање на Дипломатската академија во Виена на тема „Преспанската спогодба – Нетипично решавање на спор на Балканот“.

За време на официјалната посета на Република Австрија, претседателот Пендаровски ќе биде придружуван од сопругата, Елизабета Ѓоргиевска.