Претставата „Гревот на родените“ премиерно во Тетово

Вечерва во 19 часот во Центарот за култура „Иљо Антевски-Смок“ во Тетово, премиерно ќе се изведе претставата „Гревот на родените“, авторски проект на Васил Михаил и Венцислав Ристов. Во актерската екипа се Борче Начев и Софија Насевска-Трифуновска…

Во најавата за претставата, екипата вели дека моралот и етиката се варијабилни категории, а дека тие со овој проект се обидуваат да постават прашања за нашето минато, историскиот тек и позициите во сегашноста, но и иднината. Екипата во претсавата се занимава со гревот и со самоиронијата, и ја повикува публиката на забавна вечер за иднина без гревови.

Сценографијата и костимите се на Весна Богојевска, а музиката на Тони Стефковски. Проектот е поддржан од Министерството за култура на РМ.