„Родени во септември“ – изложба на книги во охридската библиотека

Во НУ Библиотека „Григор Прличев“ од утре до петок 20 септември ќе биде отворена изложба на дела од роднокрајни автори родени во септември.

Во „Прличевата одаја“ ќе бидат поместени делата од познатите автори: Димче Маленко, Крсте Чачански, Боро Ѓорѓиоски и Милош Линдро кои грижливо се чуваат во Роднокрајното одделение.

Ова е можност повозрасните да се потсетат на нивното творештво а младите можеби за прв пат да се сретнат со нивните дела кои имаат непроценлива вредност во областа на литературата а се и огледало на животот во Охрид во минатото.