Средба на министерот Спасовски со амбасадорот на Полска

Денеска министерот за внатрешни работи Оливер Спасовски оствари работна средба со новоименуваниот амбасадор на Република Полска во Република Македонија Н.Е. Војциех Тицињски. Министерот Спасовски му посака добредојде и успех на амбасадорот Тицињски во извршувањето на својата одговорна работа за унапредување на односите меѓу двете земји.

На средбата беа потврдени пријателските односи меѓу двете држави, како и соработката во голем број области од заемен интерес. Двајцата соговорници разговараа за присуството на полските полициски службеници кои спроведуваат заеднички активности за зголемена контрола и надзор на јужната граница на Република Македонија, како и за натамошно продлабочување на досегашната меѓусебна соработка.