Свечен прием за првачињата во ОУ „Живко Чинго“ Велгошти

01/09/2022

Денес започна новата учебна 2022/2023 година за сите основци и средношколци во земјава. Во ОУ „Живко Чинго“ – Велгошти, за првачињата беше организиран свечен прием, а пред присутните ученици и родители се обрати директорката Љубица Ангелоска Кркачоска.

„Почитувани ученици, родители и наставници!

Дојде долгоочекуваниот ден – 1 септември!

Денешниот ден е почеток на нова светла фаза во животот на нашите првачиња, опкружени со љубов и внимание! Денес е вашиот прв училишен ден и првиот празник на знаење! Добре ни дојдовте во нашето училиште и во светот на науката и знаењето каде ќе стекнете нови знаења, другарства и вистински животни вредности. Нека вашите ведри и насмеани лица бидат огледало за наставниците со кои заеднички ќе работите и ќе се дружите во наредните години со цел правилно да се образовате и воспитувате и изградите во комплетни и успешни личности.

Ви посакувам среќни и лесни училишни денови!

Среќно на сите!“ – истакна директорката Кркачоска.