Светски ден на океаните

Светскиот ден на океаните е глобален ден за прослава на океаните и соработка за подобра иднина. Здравите океани се од клучно значење за нашиот опстанок. Секоја година, Светскиот ден на океаните обезбедува единствена можност за почит, помош, заштита и зачувување на светските океани.

Океаните покриваат околу две третини од површината на Земјата и се темелите на живот. Тие произведуваат поголем дел од кислородот што го дишеме, апсорбираат голем дел од емисиите на јаглерод диоксид, обезбедуваат храна и хранливи материи и ја регулираат климата. Тие се и економски важни за земјите кои се потпираат на туризмот, риболовот и други морски ресурси за приходите, а воедно се како ‘рбет за меѓународната трговија.

Темата за 2018 година е: Спречување на загадувањето со пластика и поттикнување на решенија за здрав океан.

Загадувањето со пластика предизвикува огромни штети за нашите поморски ресурси. На пример:

• 80% од сите загадувања во океаните доаѓаат од луѓе на копно.
• 8 милиони тони пластика годишно завршуваат во океаните, предизвикувајќи хаос врз дивиот свет, рибарството и туризмот.
• Загадувањето со пластика ги чини живот 1 милион морски птици и 100 000 морски цицачи годишно.
• Рибите јадат пластика, а ние ја јадеме рибата.
• Пластиката предизвикува штета од 8 милијарди долари за морските екосистеми секоја година.

WebOhrid

https://youtu.be/MIRLcI1VMwc