Утре ќе биде отворена изложбата „Охрид/Поглед од другата страна“

На 19 јануари со почеток во 12 часот во Завод и Музеј – галерија „Куќа на Робевци“ во Охрид ќе биде отворена изложбата „Охрид/Поглед од другата страна“.

Изложбата „Охрид/Поглед од другата страна“ претставува јавна презентација на проектот „Многу луѓе – многу погледи“ организиран од страна на Центарот за креативни индустрии – НЕБО, а поддржан од програмата „Европски денови на културното наследство“ во рамки на повикот „Приказни за европското културно наследство“.

На изложбата „Охрид/Поглед од другата страна“ се изложени селектирани фотографии кои учесниците имаа прилика да ги изработат за време на нивниот тродневен контакт со културното наследство на градот Охрид, како и ликовни дела инспирирани од истиот настан.

Целта на приказната „Многу луѓе – многу погледи“ е да се претстави и сподели македонското културно наследство ситуирано во градот Охрид како дел од големото европско културно наследство, преку очите на маргинална група – психијатриски пациенти.

Проектот е реализиран во соработка со ЈЗУ „Психијатриска болница“ од Демир Хисар, а петте учесници: Гајтана Врбовска, Каролина Луческа, Снежана Неделковска, Ерол Етемовски и Јане Крстески.

Куратори на изложбата се Стефан Шашков и Јасмина Котевска.