Вечерва се палат коледарски огнови

Вечерва се палат коледарски огнови. Коледарските огнови се предвесник на Бадник. Ова е стара македонска традиција, вечерта пред Бадник да се дочека надвор, крај оган, со чашка греена ракија во рацете, со погача, со македонски песни, со желби за здравје и бериќет.

Иако според толкувањата на црквата овие обичаи се пагански, граѓаните ги практикуваат како можност за дружење пред божиќните празници.