29/03/2024
Дебрца

Велигденска честитка од градоначалникот на Општина Дебрца, Зоран Ногачески

Градоначалникот на Општина Дебрца, Зоран Ногачески, упати честика до сите христијански верници по повод празникот Воскресение Христово – Велигден.

„Почитувани сограѓани – благочестиви христијани,

Во мигот кога со биењето на црковните камбани, ќе се објави радосната вест за чудото над сите чудеса на овој свет – Христовото Воскресение, Ви посакувам таа вест да допре длабоко во Вашите срца и души, и да Ве направи радосни и горди од сознанието дека сте Божји чеда.

Христовото Воскресение, како најторжествен христијански празник, кога ја славиме победата на животот над смртта, нека Ви донесе радост, среќа, спокој и благосостојба во Вашите домови, како и здравје, достоинствен живот и хармонија во Вашите семејства.

Празникот треба да се празнува, но тој треба да ни биде и потсетник, дека треба да ги подразбудиме во секој од нас човековите вредности и доблести, како што се добрината, човекољубието, милосрдието и подготвеноста на љубовта да возвратиме со љубов.

Упатувајќи срдечни честитки, на сите верници Ви посакувам среќни и благословени празнични денови, исполнети со радост, среќа и благодат.

Нека е честит и вековит големиот христијански празник Велигден !

ХРИСТОС ВОСКРЕСНА!“- стои во честитката.