Водици 2023 биланс: 105 дарувани единици крв, 11 интервенции во вода и 14 интервенции на медицинските тимови на Црвен крст Охрид

19/01/2023

105 дарувани единици крв на традиционалната крводарителска акција Водици 2023, 11 интервенции на спасителите на вода и нуркачките тимови на Црвен крст Охрид, 14 интервенции на медицинските тимови на Црвен крст Охрид е билансот од ангажманот на Црвен крст Охрид на денешниот настан на одбележување на празникот Богојавление-Водици.

Сите на кои им беше укажана помош се во добра здравствена состојба.

„Благодарност до сите волонтери на Црвен крст Охрид ангажирани на денешниот настан, кој успешно ги реализираа своите задачи и справувајќи се со голем предизвик, силен ветар и разбранато езеро.

Остануваме посветени на хуманоста, секогаш и секаде каде е потребно.“ – истакнуваат од Црвен крст Охрид.