28/03/2024
Охрид

Здравствено-превентивни прегледи на Градскиот плоштад во Охрид

Во пресрет на празникот Илинден, а со цел превентивна грижа за здравјето на населението, особено за време на летниот период, Црвен крст Охрид денес (1 август), на Градскиот плоштад во Охрид во периодот од 16:00 – 22:00 часот ќе врши бесплатни здравствено-превентивни прегледи.

Медицинските екипи на Црвен крст Охрид ќе бидат на располагање на сите заинтересирани охриѓани и гости кои ќе имаат желба и потреба да направат основен здравствен преглед-мерење на крвен притисок, ЕКГ и добијат корисни совети за заштита на своето здравје особено при високи температури на воздухот и изложеноста на сонце.

Исто така, од тимовите на парамедици на Црвен крст Охрид ќе бидат презентирани вештини и техники на правилно укажување прва помош во различни ситуации.