Вкупно 1025 учесници ќе бидат дел од годинешната манифестација „Охрид трчаТ“

Најголемата спортска манифестација во Охрид за оваа година „Охрид трчаТ“ ја надмина границата од 1000 пријавени учесници. Точно, 1025 љубители на трчањето и спортот воопшто ќе се појават на стартот на 3 јуни во 10 часот на градскиот плоштад.

Помеѓу учесниците на второто издание има признаени и успешни спортисти во атлетиката и другите спортови и видни личност од општиот и јавниот живот кои дополнително ќе бидат објавени.

Комплетниот тим кој стои позади проектот „Охрид трчаТ“ им се заблагодарува на сите пријавени и ги повикува оние кои не учествуваат в недела на 3 јуни да излезат и да ги бодрат учесниците низ улиците на Охрид.

Подигнувањето на стартните пакети за учеството на трката ќе биде в сабота на 2 јуни од 10 до 20 часот на градскиот плоштад.