ВМРО-ДПМНЕ ОК Струга со честитка за Св.Климент Охридски

ВМРО-ДПМНЕ ОК Струга испрати честитка за празникот Св.Климент Охридски.

„Го празнуваме овој ден во чест на големиот Св.Климент Охридски кој како ученик на словенските просветители, рамноапостолите Св.Кирил и Методиј, заедно со Наум Охридски, учествувал во создавањето на словенската писменост, наука и култура, како и во ширењето на Христијанството. Ја создал азбуката Кирилица, со која го олеснил описменувањето на луѓето, кое дотогаш се вршело со Глаголицата, бил основоположник и на Охридската книжевна школа и на тој начин дал огромен придонес во описменувањето и христијанизирањето на населението. Неговото дело ќе остане запечатено низ вековите како светла точка на нашата историја и минато, а ние треба да бидеме горди потомци на неговите постигнувања. Од ова наше, македонско тло започнале ширењата на просветителството и христијанството, а останаа врежани со златни букви во светската историја и култура.

Нека е честит и вековит Св.Климент Охридски!

За многу години!“ – стои во честитката од ВМРО-ДПМНЕ ОК Струга.